گھانا کے ساحل پر ملی مردہ ڈولفن

افریقی ملک گھانا کے ساحل پر 80 سے زائد ڈولفن مردہ حالت میں پائی گئیں، مقامی افراد مردہ ڈولفن ٹرکوں میں بھر کر لے جانے لگے، اتنی بڑی تعداد میں ڈولفن کی موت کی وجہ جاننے کے لیے تحقیقات شروع کر دی گئیں۔

سربراہ فشریز کمیشن کے مطابق دارالحکومت آکرا کے ساحل پر 80 سے 100 کی تعداد میں مردہ ڈولفن ملی ہیں۔ اتنی بڑی تعداد میں ڈولفن کی موت کی وجہ ابھی معلوم نہیں ہوسکی ہے۔

Mass stranding of marine life in Ghana. https://t.co/pq8fmRZlWW

— Blue Planet Society (@Seasaver) April 5, 2021

مردہ ڈولفن کی فش مارکیٹ میں فروخت روکنے کے لیے کارروائی جاری ہے۔

شہر کے ایک اور ساحلی علاقے میں مردہ مچھلیوں کے ملنے کی بھی اطلاعات ہیں، ڈولفن کی موت کی وجوہات جاننے کے لیے تحقیقات کی جا رہی ہیں۔