مایاوتی نے دی نئے سال کی مبارک باد

لکھنؤ:  بہوجن سماج پارٹی(بی ایس پی) سپریمومایاوتی نے ملکی باشندوں کو نئے سال کی مبارب باد دیتے ہوئے سبھی کی خوشحال زندگی کی تمنا کا اظہار کیا ہے۔انہوں نے امید کا اظہار کیا کہ نیا سال گذشتہ سال سے بہتر ہوگا۔

انہوں نے کہا کہ گذشتہ سال نئی بیماری کورونا نے کروڑوں افراد کو متاثر کیا اور لاکھوں لوگوں کی جانیں گئیں۔ملک کے اس کے علاوہ دیگر مسائل سے بھی نبردآزما ہوناپڑا۔ ملک میں اب نئے چیلنجز سامنے ہیں۔ پڑوسی ممالک سے بہتر تعلقات کے سلسلے میں ہندوستان کے سامنے چیلنجز ہے جسے مناسب ومحتاط طریقے سے ہی نپٹا جاسکتا ہے۔
کسانوں کے تحریک کے سلسلے میں ایس پی سربراہ نے کہا کہ مرکزی حکومت کو اپنی ہٹ دھرمی چھوڑ کر ان کے سبھی مطالبات کو قبول کرنا چاہئے تاکہ لاقانونیت کے حالات پیدا نہ ہوں۔ دہلی کی سرحد پر اس ٹھنڈ میں بھی کسان سڑکوں پر ہیں جن میں کئی کی جانیں بھی جاچکی ہیں۔حکومت سے گذارش ہے کہ وہ ان کے جائز مطالبات کو قبول کرے۔