طالب علم نے ٹیچر کے گلے پر مارا چاقو، حالت سنگین

لکھنؤ: کاکوری تھانہ علاقہ کے ایک اسکول میں آٹھویں کے طالب علم نے ٹیچر کو چاقو مار دیا۔ جس سے انہیں سنگین چوٹ آئی ہے۔ ٹیچر کو ٹرامہ سینٹر فوراً بھیجا گیا۔ بتایا جا رہاہے کلاس میں شور مچانے کو لے کر ٹیچر سے تنازعہ ہوا تھا۔ جس میں طالب علم ٹیچر پر حملہ کرکے فرار ہوگئے۔

کاکوری واقع رام پرساد بسمل اسکول کے ہیڈماسٹر محمد عرفان نے بتایا کہ کچھ دن قبل حساب کے ٹیچر شیام گپتا نے آٹھویں کلاس کے طالب کو کلاس میں شور مچانے کی بات پر ڈانٹ دیاتھا۔ جس سے وہ ناراض ہوگیاتھا۔ جمعرات کی صبح طالب علم نے ٹیچر شیام گپتا پر چاقو سے حملہ کر دیا۔ جس سے شدید طور سے زخمی ہوگیا۔ حملہ کے بعد طالب علم موقع سے فرار ہوگیا۔

موقع پر پہنچی پولیس نے انہیں علاج کے لئے ٹرامہ سینٹر بھیج دیا۔ پولیس معاملے کی جانچ کر رہی ہے۔ پولیس کے مطابق ملزم طالب علم اسکول کے بیگ میں چاقو چھپاکرلایا اور شیام گپتا پر حملہ کر دیا۔ طالب علم کے کنبہ والے بھی گھر سے فرارہیں۔

پولیس کے مطابق ملزم طالب علم کے چچا اور ماموں قتل کے معاملے میں سزاکاٹ رہے ہیں۔ چچا نے گائوں کے پردھان کے شوہر کا قتل کر دیاتھا۔ جس میں اس کو سزا ہوئی ہے۔ وہیں طالب علم کا ماموں قریش احمد بھی ایک تاجر کے قتل کے الزام میں جیل میں بند ہے۔ مقدمہ عدالت میں چل رہا ہے۔