غزل

یہ تخلیق اودھ نامہ کمپٹیشن میں شامل کی گئی ہے۔اپلوڈ ہونے کی تاریخ سے 20 دن کے اندر جس تخلیق کوسب سے زیادہ لائکس ملیں گے اسے بطور انعام 500 روپئے دئے جائیں گے۔ 100 لائکس سے کم موصول ہونے والی تخلیق کو مقابلہ سے باہر سمجھا جائے گا۔ دیگر تفصیلات کے لئے مندرجہ ذیل نمبر پر رابطہ کریں

موسی رضا (9807694588)

فیضان رضا

مجھ کو اک شمع جو مل جائے تو جل جاؤں گا
ایک  قطرے  سے  سمندر  میں  بدل  جاؤں  گا

موت کے ڈر سے ڈرانے کی نہ کوشش کرنا
مجھکو معلوم ہے میں وقت اجل جاؤں گا

سنگ نفرت میں ترے کتنی سکت ہے دکھلا
میں محبت کے بنے شیش محل جاؤں گا

چاہے تو جتنے گرانے کے جتن کر لیکن
میں اگر گر بھی گیا گر کے سنبھل جاؤں گا

اتنا  آسان  نہیں  مجھ  کو  ڈبونا   فیضان
میں وہ قطرہ ہوں سمندر سے نکل جاؤں گا