9807694588
اپنے مضمون كی اشاعت كے لئے مندرجه بالا ای میل اور واٹس ایپ نمبر پر تحریر ارسال كر سكتے هیں۔
سکندر علی شکن
9519902612
جو آج بزم سیاست سجائے بیٹھے ہیں
وہ اہل بستی کو پیہم ستائے بیٹھے ہیں
یہاں جو صبر و تحمل کی بات کرتے ہیں
یہ لوگ وہ ہیں جو بستی جلائے بیٹھے ہیں
امڑتا دل میں ہے طوفان اقتداری کا
ہزاروں خواب دلوں میں چھپائے بیٹھے ہیں
سکون وچین دلوں کا قرار اے ہمدم
بازار عشق میں سب کچھ گنوائے بیٹھےہیں
تمہارے شہر نے چھینا ہے ہم سفر میرا
یہی تو غم ہے جو دل میں دبائے بیٹھے ہیں
یہ آرزو ہے خدا ان کواب ہدایت دے
جو اپنے فرض کو اکدم بھلائے بیٹھے ہیں
بہرائچ،اتر پردیش
