9807694588موسی رضا۔
اپنے مضمون كی اشاعت كے لئے مندرجه بالا ای میل اور واٹس ایپ نمبر پر تحریر ارسال كر سكتے هیں۔
پریم ناتھ بسملؔ
اے ستمگر نہ یوں ستا مجھ کو
حسن کا جلوہ اب دکھا مجھ کو
میں مسافر ہوں،عشق ہے منزل
راستہ پیار کا بتا مجھ کو
مسکرائی، جھکیں تری پلکیں
بھا گئی تیری یہ ادا مجھ کو
دل نہیں،تجھ پہ جان دیتا ہوں
عشق تجھ سے ہے انتہا مجھ کو
آج بھی تو اگر نہیں آتا
ملنا مشکل ہے دلربا مجھ کو
میں تبسّم تلاش کرتا ہوں
درد ملتا ہے اک نیا مجھ کو
آج بدنام ہوں زمانے میں
پیار کی مل گئی سزا مجھ کو
دیکھ کر تجھ کو یوں لگا بسملؔ
زندگی دیتی ہے صدا مجھ کو
Also read