ترانۂ وطن

[email protected] 

9807694588

اپنے مضمون كی اشاعت كے لئے مندرجه بالا ای میل اور واٹس ایپ نمبر پر تحریر ارسال كر سكتے هیں۔

انجینئر محمد عادل ؔ

ہر سمت اپنے ملک میں چھائی بہار ہے
پندرہ اگست لائی خوشی بے شمار ہے
بلبل سنائے نغمہ چمن میں یہاں وہاں
ٹھہرا ہوا وطن میں ہے خوشیوں کا کارواں
سورج نیا ہوا ہے یہاں آج ضوفشاں
ہر سمت اپنے ملک میں چھائی بہار ہے
پندرہ اگست لائی خوشی بے شمار ہے

فوجیں ہمارے ملک کی رہتی ہیں باخبر
کہتا ہے یہ ترنگا زمانے سے بے خطر
دشمن ہمارے دیش پہ ڈالے نہ بد نظر
ہر سمت اپنے۔۔۔۔۔۔۔

ٖعزت کا اک وقار ہے بھارت کی شان میں
ہم نے کمندیں ڈال دیں ہیں آسمان میں
سکّہ ہمارا چلتا ہے سارے جہان میں
ہر سمت اپنے۔۔۔۔۔۔۔
موسم بدل رہا ہے ہوائیں ہیں خوشگوار
چہرے دمک رہے ہیں نہیں کوئی سوگوار
ہر شخص کر رہا تھا اسی دن کا انتظار
ہر سمت اپنے۔۔۔۔۔۔۔

گھر گھر نگر نگر میںترنگے لگے ہوئے
ذرے وطن کے اپنے خوشی سے سجے ہوئے
ہیں نوجوان جوش سے اپنے بھرے ہوئے
ہر سمت اپنے۔۔۔۔۔۔۔

سب سے جدا زمانے میں ہندوستان ہے
تہذیب اس کی صدیوں سے اب بھی مہان ہے
گیتا کا پاٹھ اور یہاں پر اذان ہے
ہر سمت اپنے۔۔۔۔۔۔۔
ہندوستاں کے جیسا چمن دوسرا کہاں
کیسا مہک رہا ہے ہمارا یہ گلستاں
حیرت سے دیکھتا ہے اسے آج آسماں
ہر سمت اپنے۔۔۔۔۔۔۔

قربانیوں سے ویروں کے آیا ہے انقلاب
ؑعزم و عمل سے دیتے ہیں دشمن کو ہم جواب
قائم رہے جہاں میں سداملک کا شباب
ہر سمت اپنے۔۔۔۔۔۔۔

رکھ دیں قدم جہاں پہ وہاں آئیں زلزلے
سرحد پہ یہ جوانوں کے کہتے ہیں ولولے
پربت سے ہیں بلند ہمارے ہی حوصلے
ہر سمت اپنے۔۔۔۔۔۔۔
تہذیب اپنے دیس کی عادل ؔ بچائیں گے
وعدہ ہے خار اپنے چمن سے ہٹائیں گے
جنت نشاں زمین کو اپنی بنائیں گے
ہر سمت اپنے۔۔۔۔۔۔۔

9358856606